قلق العطلة
هيك بدهم ولاد الحارة
أبو محمد وبعد يوم شاق وطويل، أخيراً تمكن من الحصول على يوم إجازة ليكمل نومته دون “سمة بدن الصحوة بكير”، لكن يستيقض على صوت صياح “ولاد الحارة” الموجودين تحت شباك الغرفة مباشرة.
بعدها يظهر مشهد اجرامي مُباغت من أبو محمد… لحظات ويُسمع صوت شباك مهترئ يُفتح وبعدها يبدأ “دلو” ماء أحمر بالخروج تدريجياً من الشباك… ثم تتابع سلسلة أصوات، تيشت “سقوط الماء” يتبعها سمفونية آآح آآح تخرج من ولاد الحارة، ثم صوت أبو محمد “روحوا انقلعوا من هون، كل واحد يلعب باب داره”، ثم تمتمة لا تخلو من المسبات من قبل ولاد الحارة مع “شمشمة” رائحة المي للتأكد من أن ما قُصفوا به هو مجرد ماء وليس شيء آخر.
يتعكر مزاج أبو محمد طوال اليوم لحين قيلولة العصر، فمع بداية الغفوة، يسمع صوت خبطات على حائط المنـزل فيجد نفس ولاد الحارة، ويخرج مسرعاً بفانيلته الممزوعة كمزاجه “مش قلتلكوا انقلعوا العبو باب داركو…؟”، بصوت واحد من ولاد الحارة “يا عمو بس آخر جول”، لا تخلو من ولد صغير “يقرط” في حرف السين، “ول ول يا عمو بث ثوي هثا بنروح”.
يتكرر هذا المشهد يومياً طوال العطلة الصيفية، مزعجاً جميع الجيران في هذا الحي.
أبو محمد غير مقتنع بأن للمدارس هدف، سواء تربية أم تعليم، أما حاليا فهو مقتنع تماماً بأن المدارس عبارة عن “مظبة” لولاد الحارة، وان رسوم الفصل مجدية مقارنة مع راحة البال.
حسام كراسنة
يا زلمة والله الواحد بيتذكر حاله وهو صغير كيف كان مقرف الجيران .. وبيشوف كيف انه الزمن دوار وكيف ولاد الجيران نازلين يقرفوا فيه …
لازم المدرسه تظل 365 يوم لمدة 16 ساعه كل يوم -_-
اي يحمد ربو ميت مرة انو ما في بكمات خضرة و خردة تزعجو كمان
هادا غير البطيخ والراحة كمان(بكمات فترة العصر)
P:
خد الفطبول من هون وروح العب انتا واياه
بحارة حسام كراسنة
و الا بمزع الفطبول
بصير
والي ما بيصحى على صوت الاولاد اكيد بيصحي على صوت ابو محمد
يعني بالله عليك يا ابو الحس اذا الواحد ما لعب كوره بالحاره وين بدو يلعب
وكيف بدنا نمول الانديه الاردنيه بالمواهب الفذه والمنتخب الاردني بالنجوم ليش زيدان وميسي وماردونا
وين كانو يلعبو ……..؟؟؟؟؟؟؟
روح نام أحثنلك …هههه
lzem hiak yzido ma9arif elmadrasa 7ta elnas t7as fi elfare2
:D 
wbth hiak ,loooooooooooooooool
لا تشكيلي ببكيلك
هههه
مبدع كالعاده خيو حسام
اذكر قبل 9 سنوات لما كان عمري 13 كنا بنلعب تحت العماره بنلعب كورة وكل مره بنسجل هدف بنصرخ ( قووووووووووول ) وكنا تقريباً 20 شخص ولما بنسجل هدف الكل بيصيح قووووول حتى الفريق المنافس , احنا ندرك انو سجلنا هدف لكن مو بالكورة لا كان هدفنا ازعاج الجار الجديد المعروف عنه بالعصبية وكل مرة يصرخ فينا انو نبتعد كل ما صار صوتنا اقوى عند تسجيل اي هدف ..
والله يا حسام احسن حلا يخليه الواحد اولاده يبعوا ورد على الاشارات بدل مايقضوا وقتهم بالسب والخناقات بالحارة مع اولاد الجيران او لعب الكرة وكسر الشباك ….. يستثمرهم شوي بوقت العطلة
هههههههههههههههههههههههههه
تحياتي حسام
والله يا حسام انا اليوم انهيت امتحناتي و بس رجعت عشان انام ما عرفت عشان الطوبرجية الي ببنو عمارة خلف بيتنا , فلهيك مفكر اساوي زي ما ساوى ابو محمد, اكب مي على الطوبرجية من شباك البيت و اخلص من هل هم.
جميل…
يعني العمو اللي قاعد بصيح .. ما كان بزمناتو بيلعب كرة بالحارة..؟ لازم يتعلم!
هذي هي الحياة..
بالتوفيق..
التشببيه الحاصل بين ابو محمد واولاد الحارة مثل مجلس النواب و مكافحة الفساد بس الفرق الوحيد ان ابو محمد اخذ يوم اجازه بس مجلسنا الموقر دايما مجاز
والله من جهة انو المدرسة تظب الاولاد صح
بس في العطلة كل يوم يعملو للواحد صداع من الساعة 6 الصبح يقومو يلعبو وينامو الساعة 10 المسا ويوم المدرسة ولا كأنو في اولاد بالدنيا
ولا بالصف هدووووووووء غير شكل
يلا بكرة بيكبروا وبييجي غيرهم واقرد منهم كمان الله يعينا عليهم