الدوري ولع
الدوري الاسباني
رسميا وقع ابراهيموفيتش مع البرشا لمدة خمس سنوات منتقلاً من الانتر الإيطالي إلى الدوري الاسباني، لتكتمل سلسلة انتقالات النجوم إلى الدوري الاسباني بالإضافة إلى النجوم السابقة الموجودة فيه من قبل.
كريستيانو رونالدو من مانشستر الانجليزي بـ 94 مليون يورو، وكاكا من الميلان الايطالي بـ65 مليون يورو، وبنزيما من ليون الفرنسي بـ35 مليون يورو إلى مدريد، وإبرا إلى البرشا بصفقة تقدر بـ 66 مليون يورو.
كل هذه الصفقات والملايين التي دفعت لانتقال أفضل اللاعبين من دورياتهم إلى الدوري الاسباني سيجعل الدوري الاسباني الأغلى والأفضل عالمياً.
يعني…
* بما أنه أفضل اللاعبين صارو بالدوري الاسباني، ما ظل لاعبين بالدوريات الثانية، هيك رح يطلع الدوري الأردني والسوري من أفضل الدوريات بعد الاسباني، والدليل انه الدوري الاردني والسوري حصري على الـ ART.
* بعد صرف هذه الملايين، يا إما الدوري الاسباني إله علاقة بالازمة الاقتصادية العالمية كطرف رابح، أو أنه مصاري البورصة تحولت لاسبانيا.
والله أعلم
كلامك دولارات ويوروهات بس انت نسيت انو الدوري الأردني كمان بالواجهة وانو بيتصدر هاي القائمة قبل الدوري الاسباني لاني قرأت خبر من فترة انه مجموع المبالغ المدفوعة بالدوري الأردني للاعبين المحترفين واللي عددهم 13 بلغت 180 ألف دينار نصهم (يعني 90 ألف من ال180 ألف حق لاعب واحدفي نادي الجزيرة سوري)وهاد مبلغ خيالي ما في نادي بالعالم بيقدر يدفعه مما أدى الى كساد وركود وأزمة خانقة بالاقتصاد العالمي, ونسيت اقلك انو نادي الحسين تعاقد مع 3 لاعبين ب10 آلاف دولار عالبيعة وبراتب شهري مقداره 200دينار لكل لاعب , فيا حبيبنا يا حسام لا تتوقع انو الدوري الأردني ينافس باقي الدوريات لأنه دائما في القمة خصوصا انه الدوري الوحيد في العالم اللي قدرت الART تاخده حصريا وما بتسمح لأي محطة أردنية ولا صينية تبث ولو ملخصات أو حتى تعرض الأهداف لأنهم اشتروه بعقد خيالي مليون دولار , الاشي الوحيد اللي خايف منه انهم يجيبوا النجوم الكبار اللي بالدوري الاسباني هاد , يعني ما بستبعد ألاقي ميسي بكرة بيلعب مع العربي احتياط
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
انا بأيدك يا حسام وبأيد اخوي عدلي بكل اشي حكاه مع اني بحزب المعارضة
يعني مش بعيد بكرة ينافس نادي شباب الاردن او حتى نادي الحسين اربد ريال مدريد على الونسو ويخطفوا منهم بصفقة من صفقاتهم الخرافية زي ما بعمل الريال مع البرشا, او حتى ينطلك نادي الرمثا ويصير يقول بدو يرجع الونسو على ناديه الاصلي, وبالحلقة الاخيرة بطلع رمثاوي
بورصة ! ممكن يعني ,من وين هالمصاري ؟ حتى لو مش من البورصة أموال عربية ممكن , خلاص انسى ما حكيت شي انا مش تفضحنا .
لاوقت لدينا لصناعة النجوم طالما باستطاعتنا جلبهم !!..فـ الملك لايصنع ملابسه بنفسه .. انما يلبس ما يفصل له الخدم
حسام والله انا حاسس انك قاصد انه الحكومة مش عارفه تشتغل
انداري عنك .. بس هي مصاري البورصات رح ترجع ^_^