سيناريو رمضان
ولع واهرب... ورمضان كريم
*قبل رمضان:
قبل أن تبدأ ساعة الصفر وإعلان ثبوت رمضان، تبدأ قرارات المسؤولين السنوية المعتادة “بأن الأسواق والمؤسسات الاستهلاكية مليئة بالمواد التموينية وكافية طوال شهر رمضان، وأن الأسعار مراقبة”، وبالأخير بطلع كله حكي فاضي.
*وقت الإعلان:
يخرج قاضي القضاة ليعلن النبأ، ويقرأ نفس الورقة التي يقرأها كل سنة مع تعديل بسيط في التاريخ بنستختيها؛
ثبت: … بعد تحري هلال شهر رمضان، ثبت بالوجه الشرعي بأن غداً هو أول أيام شهر رمضان المبارك…..
لم يثبت: …. بعد تحري هلال شهر رمضان، لم يثبت بالوجه الشرعي رؤية هلال شهر رمضان، وعليه يكون غداً المتمم لشهر شعبان وبعد غد أول ايام شهر رمضان، ثم يقرأ باقات التهاني والتبريكات الملحقة بكل نسخة.
*ولاد الحارة:
عند إعلان ثبوت رمضان وحتى آخر يوم من العيد يستمر القلق في قصف “الفتاش” وحرايق “الخريس”، وتبدأ الخباثة بوضع “الفتيشة” داخل زجاجة ببسي في منتصف الطريق والهرب لتترك أثر سيارة مفخخة، وخباثة رمي “الفتيشة” في بيت درج إحدى العمارات ليخرج صوت يضطر جميع ساكني العمارة “لتجديد الضوء”؛ أخبث ولد يكون بعد المشاركة في كل عمليات “التفقيع” يقوم بتبليغ الجميع الجيران بأنه “فلان وفلان يلي كان يولع ويهرب”.
*نفحة ايمان:
فجأة تمتلأ صلاة الجمعة، لتعلن عودة “مصلي رمضان فقط” لمزاحمة المصلين ليصلوا في أول صف مع أنهم آخر القادمين، وامتلاء المساجد في أول اسبوع وتختفي تدريجياً حتى آخر اسبوع فمع مرور كل يوم رمضان يختفي صف بالمسجد.
*دقة بالمواعيد:
قبل اسبوع من رمضان اسأل أي شخص عن موعد صلاة الفجر، يتم تحديدها ما بين الساعة 4-5، وعن صلاة المغرب ما بين 7-8، لكن اسأله في رمضان يجيب الفجر على 4:38 والمغرب 7:16 ويعطيك تفاصيل الوقت حتى آخر يوم ليبين بأنها “بتفرق نص ساعة من أول يوم لآخر يوم”.
رمضان كريم، وينعاد عليكو بالصحة والسلامة 
حسام كراسنه
رمضان كريم
سلام حسام
كل رمضان وانت سالم …والله يعيده علينا بالصحة والعافية يا رب
لساتني عم بضحك على أولاد الحارة .. بس حاسيتهم ملو ,او اللي كانو يعملو هيك كبرو وعقلو
شكرا لزيارتك لجوردانيا .. واهلا دايما فيك
rmdan kareem 3alina w 3liak
حسام كل عام وانت بخير
هههههههههههههههه
على علمك متى بيأذن ؟؟
loooooooool
daymn 3al waja3 enta ya 7sam
koll 3am wenta b5eer o yen3ad 3lena o 3al moslemeen al saneh al jai en$allah o a7walna a7san mn heek ya rbb
السلام عليكم
كل عام وانتم طيبين
طيب مالمشكله ؟
العبد يجتهد في عبادته برمضان ؟
لاداعي من السخريه من الناس بس ادعوا لله ان يهديهم ؟
“مصلي رمضان فقط” !!!!!!!
الله يهديك بس .
eNAS: وانت سالمة، أهلا بك، بالنسبة انهم كبرو كبرو ويمكن عقلو، بس في أجيال ثانية
، شكرا لمرورك
3loosh: الله أكرم، كل سنة وانت سالم
عيسى عماوي: على الـ 7:16
مالك: آمين يا رب، وكل سنة وانت سالم
أحمد: وعليكم السلام ورحمة الله وبركاته، وانت طيب
عزيزي المشكلة بالمصلين بأنهم أغلبهم طوال العام لا يصلون أي فرض، لكن في فترة شهر واحد من كل عام يؤدون الصلاة، مع ذلك يأتي بآخر الوقت ويريد الوصول إلى أول صف، وفي فرق بين السخرية من الناس، والسخرية كاصلاح، والله يهدي من يشاء، وأهلا بك وشاكر لك إبداء رأيك
الأسعار مراقبة”، وبالأخير بطلع كله حكي فاضي….هاي برمضان ومن غير رمضان
احسن شي اولاد الحاره بعيشوا حياتهم
يعطيك العافيه على السيناريو(يصف الواقع)
كل عام وانته بخير,,,,, تقبل الله طاعتكم
ما شاء الله عليك دايما بالموعد بكل مناسبه
كل عام وانت وجميع الناس بخير وسلامه
وكالعاده موضوع حلو……..
بس ما تكون نسيت وقت الافطار و القصف الفموي الي بصير للسفرة و كمان لما تفضى الشوارع ع الاذان هههه
حالياً ضايل للاذان ساعة و 28 دقيقة
بس حلو والله ..
رمضان مبارك للجميع
احلى اشي برمضان انو منحط الاكل على الطاولة قبل الاذان بنصف ساعة و منحط على محطة عمان و منظل نتحلف للأكل مع عذاب نفسي داخلنا , و مع الاذان تبدأ الصيحات “أذن , اذن و الله اذن ” زي كأنو أول مرة بأذن مغرب بحياته و أخيرا يبدأ الهجوم البربري على الأكل . و ينتهي الروتين اليومي .
kol 3am wenta b5iar husam.ramadan kareem.
bel nesbeh ll ta$arod el atfali a3taged ma eloh 7al wallah a3lam!!!!
ما شاء الله عليك متبع بكل اشي
بتضرب عالوتر الحساس يا حسام
كالعادة ابداع ورا ابداع يا كاسياس
والله حكيك بالصميم وهذا اللي قاعد بصير
رائعة جدا مبدع في الوصف والاسقاط
كل عام و انت بخير أبو السوس
سيناريو واقعي بجنن
يسلموا ايديك
كنت شاكك فيك وأنا قاعد معك ليلة رمضان الأولى
انك قاعد بتخربش جوات راسك
ههههههههههههههههه
خلي الطابق مستور يا حسام
وكل رمضان وانتا طيب:)
*بيان: بعيشو حياتهم على حسابنا، وانت بألف خير ان شا ءالله
*troy: وانت بخير، مقدم الموضوع :p
*ملاك: وقت الأذان منع تجول، اللهم كرشي
*جاسر: انت مش جاي تاكل، انت حاقد على الأكل “متربص” للأكل
*osama: اعملهم سندويشات حلاوة بالائشطة، وخبر عنهم لحروق الانسان، وانت بالف خير
*يزيد: تسلم، وأهلا وسهلا فيك
*Roshdi: حبيبي رشدي، كل سنة وانت سالم
*أبوطعيمة: كاسياس الخربشات صرت، شكرا لتعليقك
*مصطفى: أنت المبدع صديقي، شكرا لك
*هبة: وايديك، شكرا الك وكل سنة وانت سالمة
*سيف: كنت صافن وبخربش، كنت مدكن
*ميّاسي: وانت بخير، بعدو مستور، ما حكيت شي
والله كلامك عالوجع
خصوصا موعد الفجر و المغرب
شهر مبارك ان شاء الله
صحيح 100%
بعد اذن الكاتب
ممكن اخذ النص واعملو مسرحية
أخ يا حسام لو تيجي……حارتنا و تشوف القرود شو بيعملوجبهة الله وكيلك……و زعيمهم أخوي……!
والله يا حسام على الوجع بتجيبا دايماً
تسلم إيدك .. و الله يجعلنا و يجعلك من عواده .. ويعينا على صيام و قيام رمضان
حسام أنا أول مرة بفوت هون رمضان كريم …
عجبني الموضوع ولفيديو أكتر. تحشيش عنجد هي حقيقة حتى عنا هون زات الشي..خصوصاً بياع القطايف D:
الله يتقبل منا.. =)
سيناريو رائع يا حسام، خصوصا دقة المواعيد هاها.
وكمان في سيناريو تعليق زينة رمضان، بس في ناس بريحو حالهم وبخلوها لرمضان اللي بعده.
كل عام وأنتم بخير.
Amjad: مبارك علينا الشهر، وشكراً لتعليقك
وانت بألف خير، شكراً لتعليقك
النمس: على حسابك، واعزمني ع العرض الأول
زيد: طب ليش ما طالع لأخوك انت، وعاملي فيها هادي وعاقل :p
سيتان: الله يسلمك، تقبل الله صيامك وصيامنا، شكرا لك
JUMANA: شكراً وأهلا وسهلا فيكِ في خربشات، وتقبل الله
رنا: الزينة يلي عنا الها ثلاث سنين
انت حكيت و فصلت اللي بصير
بس شغلة المفرقعات ما عنا اياها
بس بالقصص التانية
copy
خاصة مواعيد صلاة الفجر و صلاة المغرب و لو سالت
متى صلاة العصر او العشا
بتصير الشغلة بالتقدير
و تقبل الله من الجميع
اما كلاااااااااااااااااام
ههههههههههههههههههههه
مشكور حسام على هيك تعليق
والله شغلة هالمفرقعات بعملوها عنا حفلة
وكل الحارة تطلع لحتى تشوف شو في وبالاخر بكونو اكم ولد من الحارة (( بيتسلو )) وخاصة على السحور بيصحو الي ما بيصحى هههه
بس عن جد كلامك على الوجع والله يحيينا ويحييك لرمضان الجاي
باي
سلام حسام
كل رمضان وانت سالم …والله يعيده علينا بالصحة والعافية يا رب
لساتني عم بضحك على أولاد الحارة .. بس حاسيتهم ملو ,او اللي كانو يعملو هيك كبرو وعقلو
والله كتير روعة هالكلام وهو اللي بيصير مع كل واحد وبالحرف الواحد وولاد الحارة الله يهديهم عنجد بيجننو الواحد !!