يخسر ولا يبات
الكاتب:
حسام كراسنه كتبها بتاريخ:
30 أغسطس 2009
آخ بس من يلي باعك
زي أيام المدرسة، لما كانت سندويشة الفلافل وقت الفرصة بـ 10 قروش، بس لما تخلص الفرصة ويظل سندويشات ما نباعت بصير يلي ببيع يفر ع الصفوف ويبيعها بشلن، بس مشان الله اشترو، يعني يخسر ولا يباتو لثاني يوم وينكبو.
صفقات بيع لاعبين الريال نفس الشي، بشترو اللاعب بملايين وبعد موسم ببيعو بنص السعر.
قبل أيام من انتهاء موعد الانتقالات الصيفية، الريال باع لعيبته بسعر البلاش “ولا يبيتو عنده”، الطقم الهولندي هونتلار وشنايدر وروبين، وباريخو ونيجريدو وووو كله بسعر البلاش.
المصيبة الأكبر الريال اشترى روبين من تشلسي بـ 36 مليون، وقبل يومين باعه لبايرن ميونخ بـ 25 مليون، واليوم لعب وجاب جولين.
يقطع الريال، صفقاته زي بيع سندويش الفلافل
بس من جهة ثانية، جاب لعيبة ولا منسف ع لحمة
هدفي روبين في أول مباراة مع بايرن ميونخ
همه بيخزوا يا غالي .. انت بس سيبك من الفلافل .. وخليك مع برشلونة .. برشلونة أوبن بوفيه
هههههههههه كلهم هيك عند الحاجه و بس
سياسة مدريد عليها نقاط كثيرة!!!
بغض النظر عن الصفقات والسياسه
انا عجبتني قصه الفلافل….
الحسين اربد وبس
والباقي كله خس
ههههههههه إذا على هيك بسيطة هناك أشياء أكثر خلينا ساكتين
بالله حسام اغلبك غيبلي سندويشتين فلافل بكره بعد الفرصه مدامهم بشلن ومتل روبن بجيبولك جولين باول مباراه قولتك في متل صفقات ريال مدريد بتروفي مانيجار
بدر: طير وانت والبرشا تبعك، بحب انام خفيف
، هون الحداقة، بعد الفرصة بتصير بنص السعر، وهم يلي بيجو لعنا كمان
DARK MAN: بعين الله في غيرهم
رشدي: أما هو نقاط، شفنا نقطة إبرا
بيان: ههههه شكله أيام المدرسة كاينين تخلصو ع السندويش أول بأول
عيسى: ما شاء الله عليك متابع الدوري البرتغالي
مصطفى: خلينا ساكتين
TROY: خليك بالتروفي مانيجر انت احسنلك، في بنزيمة بنفع أعملك اياه كُشري..؟
والله حكيك مزبوط بس انا مو عاجبني انا اللاعبين ينباعوا زي كأنهم فلافل بالفعل
خارج عن موضوع الرياضة
اللي لفت نظري للموضوع
تشبيه الفلافل بالاعبين يعني كلها تجارة
حتى بالبني ادمين بس يا رفيق الاعبين الهم سعر
في ناس بنباعوا و بنشروا بلا تمن
انا عمري ما حبيت ريال مدريد خصوصا لما صار يلم لعيبه على الاسم
ادارة النادي بتقلك بدناش بطولات ولا لعب .. بدنا جماهير و مصاري .. و اسلوبهم جايب سعره
والله الفطبول كله باز …
الله يرحم ايام اي سيه ميلان اواخر الثمانينات .. ما راح ييجي مثله فريق
أنا ولا فهمت حرف … ومع ذلك كنت أضحك.
بس زي أسوم وجفرا … عجبني كيف قدرت تقارن بين اللاعبين والفلافل.
بالمناسبة..هذا الموضوع “يخسر ولا يبات” مش راضي يطلع على الصفحة الرئيسية تبعتك.
asom: اذا صحلي أنباع بـ95 مليون، انا قابل أكون فلافل
، رئيس النادي ملياردير ومن أكبر المقاولين، همه المصاري، فأكيد رح يتاجر، والله يرحم الميلان، هسا فرط بدون كاكا 
جفرا: أقلها تجارة في رياضة، المصيبة الكبرى في المتجارات الثانية.
Amjad: شكلك برشلوني من ردك
دريمي فيليجر: كله للبيع، ما بظهر على الرئيسية لأني مخصص قسم “بروح رياضية ساخرة” كقسم فرعي بختلف عن باقي الأقسام، ويكون ظهوره في صفحة ثانية
شكرا لك جميعاً على المرور
allah 3ala sandweshet el mdaress =D
ana ma b7dr football game. wala b3rf she 3non
3aysheen 3asb7aneeh =)
tankxxxx 3l mawdoo3
المهندس حسام : تحيه كلها حب وتقدير
لقد دلني على موقعك ابني محمد عادل .
انا ماليش في الكره ولا في اللعيبه بس المثل حسب ما بعرف بقول ” حامظ في بطني ولا يبات ”
بس تدري هذيك الايام كانت ايام كلها خير وهنا ولو انها كانت ايام عسر وضيق ذات اليد .
على كل حال : بس حبيت اقول لك الله يوفقك انت وكل الشباب .
JUMANA: شكرا لمرورك، ما تذكرتي غير السندويشات…! كانت بس خبز
الدكتور عادل: أشكرك على المرور وترك تعليق، أسعدني مرورك، كل التوفيق لك
احلى مثل واقعي … فعلآ يخسر ولا يبات
اشكرك
انا عجبتني قصه الفلافل….
بصراحة انا بحب ريال مدريد
فلافل حمص اللي هو بيضل لعبهم حلو