توظيف
شعشبون للتوظيف
بعد طول انتظار من عبود على التخرج بعد “مناطحة الدكاترة، وهز الذنب بآخر فصل”، وأخيراً تخرج، ليبدأ بحياة جديدة وأفضل “بنظره”، يبدأ أول أيامه بالراحة من مبدأ “لاحقين ع الشغل، ليش مستعجل، بندور بعدين”.
يبدأ عبود بالبحث، مبتدأً بالصحف، مطلوب لدى شركات كبرى عدد من الموظفين…. لكن يشترط خبرة 5 سنوات على الأقل، يومياً وعلى مدى أشهر وما تراكم من صحف يبيعه بالكيلو أو يستخدمه ليضع عليه السفرة، … يبدأ بالبحث على الانترنت… فيجد وظائف أكثر وبخبرات أكثر، 10 و 15 سنة. بعدها يصطدم بالحقيقة، “وينحرق راسه، ولكو من وين بدي أجيب خبرة….!؟”.
يوم آخر من البطالة، بعد “زن ورن وقرقعة راس عبود، من الأهل والأعمام، ولك روح سجل ولك روووووح” يسجل عبود بديوان الخدمة المدنية، … لكن على الأقل يضمن دور وظيفي لأحفاده بعد عقود.
في يوم وظيفي، كبرى شركات التوظيف والشركات الخاصة تقيم معرض للتوظيف، كالسيرك المتنقل، كل اسبوع في محافظة، ينتقل عبود معهم من مكان لآخر، وفي كل مرة يغير من ملابسه وتسريحته كنوع من أنواع التمويه وبأنه متقدم جديد، يقدم السيرة الذاتية، للمطاعم، شركات المحاسبة، للفنادق، لشركات الاتصالات حتى لمنسقي اليوم الوظيفي، كمن يوزع أوراق اعلانات، للجميع من يريد ولا يريد…. وينتظر الرد.
يستمر عبود لأشهر على نفس الحال، بالاضافة إلى المقابلات المنتهية بـ “تلفونك عنا، اذا في نصيب بنحكي معك”…. وفي يوم وبعد مقابلة، هفت على نفس عبود “عرنوز ذرة” واشترى من أول “عرباية” وبعدها اكتشف انها ملفوفة بسيرته الذاتية…. مسكين هالعبود.
اعلان: فرصة “غير” حقيقة للعمل في موقع خربشات.
مطلوب عدد من الموظفين حديثي التخرج للعمل في موقع خربشات، لكن يشترط 3 سنوات خبرة، على من يجد في نفسه الكفاءة يُرجى ارسال السيرة الذاتية كرد أسفل الموضوع.
حسام كراسنه
welcome to work 
a good job
ya3ni ra7 ysir fina hiak
:( 
:( 
:(:(
هههههههههههههه
اكيد طلعت من نفسه عرنوسة الذرة
والله حلوة يا حسام , قولتك يعني ما نتخرجش …
معك حق هيك الكل صار معه … بس احمد ربك انه حدا طلبك لمقابله في غيرك ما حدا طلبه .. بس جد شي بيقهر لما تلاقي الكل بده خبره و المصيبه التانيه انه الكل بيحكيلنا ليش استعجلتوا و تخرجتوا ع 4.5 و ليش ما عم بدوروا ع شغل عمان مليانه شغل و انتوا اللي مقصرين و ما عم تدوروا منيح
حسام بعد طول غياب
يغيب فيبدع ^^
قد جسدت واقعنا العربي عموما والاردني خصوصا خير تجسيد ..
اغلبك بطلعلنا وظيفه ؟؟
الله يبشرك بالخير على هيك اخبار هههههههه
تعرف شو لازم الواحد يعمل؟ يسمي حفيدو عإسمو عشان بطلعلو بديوان الخدمة المدنية ههههههه
ههههههههههههههههههه
…. صار معي خبره في البحث عن عمل وتعبئه الطلبات
و شغله اليوم الوظيفي بتطلع معرض تسويقي مش توظيفي
>>> بدهم موظفين حديثي التخرج مع خبره
سيرتي الذاتيه اعتبرها صارت عندك
حسام ..مقال حلو و ع الوجع
مقال أكثر من رائع يعكس ما يعانيه الشاب في مرحلع بعد التخرج
اول شي مقال على الوجع على قولت بيان ثاني شي انا مثل عبود ما خليت محل الا عبيت فيه طلب والحلو انو بدون خبره بس كالعاده اترك رقم تلفونك وتعال قابلني اذا بتشوف وجهم ثاني مره ………زوالله الواحد يتعلم مشان يدمر مستقبله مو مشان يعمره لا وظيفه ولا عريس………..اريد حلا ههههههههههههه
حلوه كتير يا حسام:)))))))))
والله منيح اللي رجعت تكتب بس الله يبشرك بالخير حديثي التخرج وخبرة حلوووووووووو
حسام روح شوف بقسم الحاسبات
مره كانو حاطين اعلان طالبين طلاب للتدريب
بشرط بدهم يكون بعرف برمجه C# C++ oracel
ويعرف بالشبكات والصيانه وكمان 3 طلبات
ليش الواحد لو بعرف كل هذول
بتدرب ولا بتوظف
اولا : الحمدلله انك رجعت تكتب بعد هالفترة بعرف انك كنت مشغول
ثانيا : عن جد انك فتحت موضوع بيشغل معظم الشباب
ثالثا : اشتقنالك والله يا صاحبي
رابعا : قرب تخرجك انت والشباب يالله بدنا نفرح
مبروووووووووووووووووووووك مقدما
مو الكل سيد حسام في شركات بتدورعلى خريجين بس وان معك شروطهم تعجزيه بس كاصيغه كتابيه رايعه
برافو حسام والله حطيت ايدك عالجرح شو بدنا نعمل هاي الحياة بس لا تيأس إلا ما ربك يفرجها وانشاء الله غير تشتغل ونشتغل احنا كمان ونعوف الشغل بعين الله
يعطيك العافيه حسام دايما مواضيعك حلوة…. بس انشاء الله بتلاقو شغل بسرعه
طب ما دامكو نازلين تضحكو على عبووود يااا سيد حسام ليش ما تلاقيلو وظيفه بدل ما يضل يبعت ال CV ع الفاضي واخر شي بلاقيه بكيس ذره…..والله اعلم وين بلاقيه المره الجاي……..
——————————-
حرام عليك يا ازعر دمرة احلام الشباب ….خليهم ماسكين بهالامل ….
………………قال مش تا اتوظف انا …..يا سيدي اللا يوفقك ويبعتلك الوظيفه الي تستاهله …
ولك عنجد عالوجع و مبروك رجعتك للكتابة.
ملاحظة:
نسيت الناس اللي بتوعدك بالشغل و بعدين بتحلقلك.
اذا هيك بده يصير فينا ….بطلت اتخرج
فرصه اقعد وما اكمل بحث التخرج
هوه كراي شخصي انا بعتبر انه البنات همه السبب حشروا حالهم الا يشتغلوا قعدوا الشباب بالبيت ومع الازمه
الكل رجع قعد بالبيت
لاحد يسالني ليش درسنا ؟؟؟؟ كل وحده تعمل شغل خاص بتلاقي حد يساعدها او مجموعه ومش مهم التخصص
هيك همه بيشتغلوا وبخلوا مجال للشباب
والهدف من الشغل للبنات التسليه واثبات الذات والطلعه من البيت وهاد شي بتقدر تعمله من شي خاص
يعني مش ملزمه بمتطلبات كثيره
وهاد مش بس شغل بتوقف عليه شغلات كثيره
الحكي مخربط بس بتمنى تكون الفكره واضحه
شكرا أخ حسام ان شاء الله بتلاقي اذا كنت بدور ع شغل
وبدي اطوع عندك بعدها بورطك بعقد
والله يااخي حسام بتحكي عن جد وعن واقعنا الآليم والله يعطيك الصحه والعافيه والى الامام
ديوان مين والناس نايمين
على كل حال هي قصة حياة الاغلب
مرحلة الامل اللي بينتحر بعد التخرج و ثم شحدة شغل وثم شغل من القلة و ثم شغل تاني ايضا من القلة … شغل عاشر نفس الشي .. ثم الوظيفة الرسمية اللي كمان من القلة .. بس بجوز الواحد يكون محظوظ ويموت من الجوع بالاول
hi, im emad alamleh , i send to you my c.v , please find the attachment
thank you…..
وله
مش حكيتلك قصصي لاتنشرها
اخص
موضوع رائع واتمنى لك الانطلاق الى الامام مهندس حسام
وبيشرفني اكون فار تجارب
انا عندي 3 سنين خبرة….وبعثتلك ال سي في وبتمنى توظفني عندك. بس خبرتي مش بالشغل،،، خبرة بالبحث عن شغل
باقي اسبوع وبتخرج…….الله يبشرك بالخير
يعني شفير تخت …قال جرافيك ديزاين….الظاهر قرفني الديزاين
shakelha emda5neh ma3ak, lesatko ma shofto eshe, HAHAHAHAAAAAAAAAAAAAAAAAAAAAAAAAAAAAAAAAAAAAAAAA
nice one
يعني يا سحس سولافتك بايتة بالنسبة الي وبحب اقلك انو نهاية عبود رح تكون بدكانة(نهاية رجل شجاع)
اسئلني انا
تحياتي لك ..
(حملة الجسد الواحد)
أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!
صورة الشعار .. في مدونتي كركر .. ويكتبون فوقها ..
(حملة الجـسد الواحـد)
رابط المدونة
http://krkr111.blogspot.com
جعله الله في ميزان حسانتكم .. آمين
السلام عليكم ورحمة الله و بركاته
كأنك بتحكي عني !!! لوووووووووووووول لأ و الحجة الجديدة التوظيف موقف واذا ما في واسطة ما راح يتغير شي
hahaha .. jad 7alna be7azn o beda7ek .. ya3ni el wa7ad bet3ab o besta3jel o bedo yet5arag .. o ba3d ma yet5araj .. wain el sho3′l… ma feeh .. o iza eshta3′al .. ya3ni 3ala hal rawateb eli bet5ali el wa7ad yenber o tenfete7 8ablyto 3ala el work :S .. bas el 7amdellah 3ala kl 7al
bas el mshkele eno el 2ahel befakro eno el shab or el bent ma 3am ydawro .. o eno lazem ydal 24/24 ydawer 3ala work .. bas ya3ni ydawer 3ala aya job .. wa7ad 5alas handaseh .. ya3ni yroo7 yeshte3′el be cofeshop or casher .. b3een allah ya 7osam
ana m3e 5bra mn el 7jawi 5 snen akeed hai el 5brat wela balasssssssssssssssssssssssssh s777777777
o kman ana ma sma3tak 8sa2dy 3n el 7jawi
sho r2yak ab3tlak eyahom???
bs 78o8 e6ab3 m7foza y3ny ma tktebhom besmak
hhhha